Arĩmi a Inoorero Makĩruta Wĩra

Arĩmi a Inoorero Magĩthondeka Mborera Mũtũngũrũ

Arĩmi a Inoorero magĩthondeka mborera Mũtũngũrũ

Arĩmi a Inoorero rĩa Ũtuĩria wa Ũrĩmi wa Gũtũũrithia (IRŨŨGA) thĩiniĩ wa Mũtũngũrũ nĩ mareharĩria kĩmerainĩ gĩkĩ kĩa mahanda.

Jacinta Wangũi Kĩgĩo, mũrutani wa ũrĩmi wa Inoorero rĩa Ũtuĩria wa Ũrĩmi wa Gũtũũrithia, nĩ akoretwo agĩthomithia arĩmi aya mĩtugo ĩngĩtũũrĩka ya ũtabania wa ũnoru wa tĩri hamwe na njĩra njega cia gũthondeka thumu wa mborera.

Mweriinĩ ũyũ wa Muoria Nyoni arĩmi nĩ mokĩte gũthoma kwa ũingĩ magĩĩtĩka rĩtana rĩa kombũkia-ũhoro karĩa kambĩtwo mũingĩinĩ kũndũ na kũndũ gakĩanĩrĩra wambĩrĩria wa mathomo ma ũrĩmi wa gũtũũrithia mbere wa mahanda ma kĩmera kĩa mwere kĩa mwaka wa 2010.

Kĩmera kĩa mwere gĩkoragwo gĩ gĩa kuma mweri wa Kĩhu Kerĩ kinya mweri wa Gatumu.

Thutha wa gũthomithio gũthondeka thumu wa mborera hamwe na mawara mangĩ ma ũrĩmi wa gũtũũrithia marĩ ikundiinĩ, arĩmi macokaga makarutithia mawara macio wĩra mĩgũndainĩ yao ene. Nĩ methondekagĩra thumu wao wa mborera na makahaarĩria mĩgũnda yao mbere wa kũhanda makĩhũthĩra mawara macio mathomithĩtio.

Jacinta Wangũi Kĩgĩo (mũthiainĩ wa ũrĩo, haha rũgongo), akĩonania ũrĩa thumu wa mborera ũthondekagwo mũgũndainĩ wa mũrĩmi ũmwe wa Inoorero itũũrainĩ rĩa Mũtũngũrũ, Kenya. Mbica ĩno ĩ haha mũhuro na yo ĩronania arĩmi a Inoorero a Mũtũngũrũ maarĩte indo ciao njerũ cia ũrĩmi. Maroiga mũrĩmi arĩmaga na mũro! Indo ici cia ũrĩmi, iria ciaheanirwo nĩ Mũng'eng'ano wa ũrĩmi wa Gũtũũrithia, nĩ ciagayanirwo nĩ ikundi mũgwanja cia arĩmi kuma 5 kinya 12 arĩa makuhanĩrĩirie mĩciĩinĩ.

Arĩmi a Inoorero a Mũtũngũrũ Makĩonania Indo ciao Njeru cia Kũrĩma

Arĩmi a Inoorero Mũtũngũrũ, makĩonania indo ciao njeru cia kũrĩma - Mũrĩmi arĩmaga na mũro!