Mũng'eng'ano wa Ũrĩmi wa Gũtũũrithia
-
Arĩmi a Inoorero makĩharĩria mũgũnda wao wa ũtuĩria itũũrainĩ rĩa Mũtũngũrũ -
Arĩmi a Inoorero mũgũndainĩ wao wa mboga itũũrainĩ rĩa Mũtũngũrũ
Arĩmi a Inoorero makĩruta wĩra tutoinĩ cia mboga itũũrainĩ rĩa Mũcũgũ
-
Arĩmi a Inoorero magĩthondeka thumu wa mborera itũũrainĩ rĩa Mũcũgũ
-
Kĩeya kĩa arĩmi a Inoorero kĩa ũtuĩria wa ũhumbĩri ũrĩa mwega makĩria wa tuto
Mũng'eng'ano wa Ũrĩmi wa Gũtũũrithia (MŨGĨ) nĩ ngwatanĩro ĩtarĩ ya ithũkũma (NGWĨI) yandĩkithĩirio Kenya mwaka wa 2004. Mũng'eng'ano wa Ũrĩmi wa Gũtũũrithia (Conservation Agricultural Movement) wakaga mĩhananwa mĩrũmu ya ũrĩmi wa gũtũũrithia. Mĩhananwa ĩno mĩrũmu ĩnyitithanagia ũtuĩria na gĩthomo kĩa ũrĩmi na ũkũria wa mĩmera ya irio hamwe na ũthagathagi wa irio na wonjorithia wa cio na njĩra ingĩhoteka kĩmacuumo, njaganĩrĩru na macigĩrĩria, na cia ũũma harĩ mũingĩ.
Mũng'eng'ano wa Ũrĩmi wa Gũtũũrithia ũteithagĩrĩria wambatĩria wa ũbooco wa ũrĩmi na wĩrũgamia wa arĩmi anyinyi na njĩra cia guo cia tabarĩra ya ũrĩmi wa gũtũũrithia wa ciĩganwa na wa ũtuĩria kamino. Arĩmi anyinyi arĩa mateithagĩrĩrio nĩ Mũng'eng'ano wa Ũrĩmi wa Gũtũũrithia nĩ manyitanagĩra kaimana mĩtaratarainĩ ya guo ya ũkũria. Ũnyitanĩri ũyũ nĩ ũmetĩkagĩria “kũgaya” mĩtaratara ĩyo ya ũkũria na kuoguo ũkahotithia ũhootani wa yo. Nĩ ũndũ wa ũguo, arĩmi anyinyi acio magatuĩka nĩ o arangĩri a macigĩrĩria mao na arutani eehoti a ũrĩmi wa gũtũũrithia.
Mũng'eng'ano wa Ũrĩmi wa Gũtũũrithia wĩ bata na gĩthomo kĩrikĩru na kĩrĩ umithio harĩ andũ othe a thĩ na nĩ wĩtĩkĩtie atĩ ũgĩ nĩ guo macabi ma ũhootani wa mĩtabarĩra ya ũkũria thĩiniĩ wa mabũrũri mwanya hamwe na gatagatĩinĩ ka mabũrũri.