Andũ a Mũng'eng'ano wa Ũrĩmi wa Gũtũũrithia

Gatua wa Mbũgwa, Ph.D.

Gatua wa Mbũgwa, Ph.D.

Gatua wa Mbũgwa, Ph.D., Mũtongoria Mũnene

Gatua wa Mbũgwa nĩ we Mwambĩrĩria na Mũtongoria Mũnene wa Mũng'eng'ano wa Ũrĩmi wa Gũtũũrithia, ngwatanĩro ĩtarĩ ya thirikari yandĩkithĩirio Kenya mwaka wa 2004. Gatua aakũrĩire itũũrainĩ rĩa Mũtũngũrũ, Gatũndũ, gĩcigo gĩa Kenya kĩaganĩrĩru wega na ũrĩmi.

Gatua arutithanĩtie wĩra na arĩmi anyinyi kuma e mwana. Ambĩrĩirie gwaka ngwatanĩro cia arĩmi a itũũra 1980, mwaka ũrĩa ambĩrĩirie gwĩkũrĩria macani make gĩcigoinĩ kĩnini kĩa mũgũnda wa aciari ake.

Gatua nĩ atonyire mathomoinĩ ma tũhinda tũkuhĩ ma ũrĩmi wa ciĩganwa mĩakainĩ ya 1980 mbere wa gũcoka thukuru mwaka wa 1990 kuongerera gĩthomo gĩake.

Mwakainĩ wa 1989, Gatua nĩ ambĩrĩirie Mũtũngũrũ Organic Farmers (MOF), ngwatanĩro ya arĩmi anyinyi ĩhũthĩraga tabarĩra cia ũrĩmi wa Biointensive Agriculture (BIA) gũkũria irio cia kũrĩa na cia ndũnyũ. Gatua nĩ aathomithirie makĩria ma arĩmi 300 a mbere ngwatanĩroinĩ ĩyo ya MOF mĩakainĩ ya 1989-1992.

Ĩhetwo ũteithio nĩ Kilili Self Help Project ya California, U.S.A., MOF nĩ ĩtwarĩte andũ 50 a ngwatanĩro ĩyo mathomoinĩ ma ũrĩmi wa BIA thĩiniĩ wa Manor House Agricultural Centre itũũrainĩ rĩa Kitale, Kenya.

Arĩmi aya nĩ matuĩkĩte arutani eehoti a ũrĩmi ũcio wa BIA. Nĩ mateithĩrĩirie na gũthomithia arĩa mariganĩtie mĩciĩinĩ yao, na ngwatanĩro ĩrakũra ya arĩmi anyinyi a ũrĩmi wa BIA itũũrainĩ rĩa Mũtũngũrũ rĩu nĩ ĩkũragia irio cia kũrĩa na cia ndũnyũ ĩhũthĩrĩte tabarĩra cia ũrĩmi ũcio.

Thutha wa gwĩkĩrwo ngoro nĩ ũhootani wa ngwatanĩro ya Mũtũngũrũ Organic Farmers, Gatua nĩ ambĩrĩirie Mũng'eng'ano wa Ũrĩmi wa Gũtũũrithia mwakainĩ wa 2004. Mũng'eng'ano wa Ũrĩmi wa Gũtũũrithia ũkũragia ũtuĩria, mathomo, na ũtambia wa ũrĩmi wa Gũtũũrithia matũũrainĩ ma bũrũri wa Kenya.

Ngathĩ cia Mathomo ma Gatua wa Mbũgwa
Mũgo wa Ũthamaki harĩ Ũrĩmi wa Ũthimũri (Ph.D. in Agronomy), Yunibathĩtĩ ya Wyoming, Gatumu 2008
Mũramati wa Mothimũri ma Tĩri na Mĩmera (M.S. in Crop and Soil Sciences), Yunibathĩtĩ ya Cornell, Gĩthathanwa 2003
Mũramati wa Mathomo ma Maũgĩ ma Ũrĩmi (Master of Professional Studies in Agriculture), Yunibathĩtĩ ya Cornell, Mũgaa 2001
Ngathĩ igĩrĩ cia Mũranja wa Ũturi, ya Mathomo ma Macigĩrĩria na ya Ũteti (Dual B.A. in Environmental Studies and Politics), Yunibathĩtĩ ya California Santa Cruz, Gatumu 1997
Gatua wa Mbũgwa Mohoroinĩ
Dissertation Makes History at the University of Wyoming
Kenyan submits PhD work in African language
Scientist puts mother tongue on academia threshold
For a good start, pupils should learn in the mother tongue

Moohoro ma Gĩtahĩrĩrĩ (Video)
Ngũgi wa Thiong'o nĩ aceereire Yunibathĩtĩ ya Wyoming na akĩoya mweke wa kũgaathĩrĩria ũtuĩria na ũhootani wa Gatua wa Mbũgwa. (Ĩhũũrĩtwo nĩ Kĩbicũria (Television) kĩa Yunibathĩtĩ ya Wyoming - 00:06:15).